Батыс Қазақстанда ауылдастар бір-бірінің үйіне кіріп тамақ ұрлаған
Бәйтерек ауданы Приурал полиция бөлімінің кезекші бөліміне 1975 жылы туған Махамбет ауылының тұрғынынан белгісіз біреу үйге кіріп, темекісі мен азық-түлігін ұрлап кеткені туралы хабарлама келіп түскен, деп хабарлайды Stan.kz ақпарат агенттігі БҚО ПД баспасөз қызметіне сілтеме жасап.
"Қолданылған жедел-іздестіру іс-шарасы барысында аталған қылмысқа күдікті ретінде осы ауылда тұратын үш кәмелетке толмаған жасөспірім ұсталды. Аталған факті бойынша, Приурал полиция бөлімінің қызметкерлері ҚК-нің 188-бабы 2-бөлімі (Ұрлық) бойынша сотқа дейінгі тергеу амалдарын бастады", - делінген баспасөз хабарламасында.
Осыған орай БҚО полиция департаменті ата-аналарға жазғы демалыс кезінде балаларына аса мұқиятпен қарауларын сұрады. Себебі балалық кезде жасалған қателік олардың болашағына әсер етуі әбден мүмкін.
Талқылау