Бали жағалауында жолаушылар паромы суға батып кетті: Төрт адам қаза тауып, ондаған адам әлі іздестіріліп жатыр
Фото: selayarnews.com
Индонезияның Бали аралы маңында алпыстан астам адам мінген паром суға кетіп, кемінде төрт адам қаза тапты, тағы ондаған адам хабарсыз кеткен. Бұл туралы Stan.kz ақпарат агенттігі BBC-ге сілтеме жасап хабарлайды.
Жергілікті құтқарушылардың мәліметінше, 2 маусым күні кешкісін суға кеткен кеменің бортында 53 жолаушы мен 12 экипаж мүшесі болған.
Паром Шығыс Явадан Бали аралына бет алып бара жатқан.
"23 адам құтқарылды, төртеуі қаза тапты", – деп мәлімдеді Ява аралындағы Баньюванги қаласының полиция басшысы Рама Самтама Путра AFP агенттігіне.
Апат неден болғаны әлі белгісіз.
💔Horrible tragedy off the coast of Bali — a passenger ferry has sunk
— NEXTA (@nexta_tv) July 3, 2025
There were 65 people on board. 23 were rescued, 4 died, and dozens are still missing.
The ferry's route is commonly used by locals traveling between the islands of Java and Bali. pic.twitter.com/A9wSb1ZtlB
CNN Indonesia таратқан мәліметке қарағанда, Кетапанг – Баньюванги – Гилиманук бағытын бетке алған кеме орнынан қозғалғаннан кейін шамамен 25 минуттан кейін суға батып кеткен.
Паромға 22 автокөлік тиелген. Оның 14-і жүк көлігі болған.
"Құс үркітіп сағатына 8 200 теңге таптым": Англияда жүріп 1 миллионнан аса айлық алатын қазақстандық жұмысы туралы айтып берді
