Азиадада Қазақстаннан басым түскен Өзбекстан құрамасы спортшыларын қаржылай сыйақымен марапаттады
22–31 қазан аралығында Бахрейнде өткен ІІІ жасөспірімдер арасындағы Азиадада Өзбекстан құрамасы тамаша нәтиже көрсетті. Бұл туралы Stan.kz ақпарат агенттігі хабарлайды.
Өзбек спортшылары барлығы 81 жүлде нақтырақ айтсақ 37 алтын, 16 күміс, 28 қола жеңіп алып, жалпыкомандалық есепте екінші орынға ие болды.
Boxinguzbekistan Telegram арнасының хабарлауынша, Өзбекстанның Ұлттық олимпиада комитеті Азиаданың жүлдегер спортшылары мен олардың бапкерлеріне мемлекет тарапынан қаржылай сыйақылар табыстады.
Мемлекеттік марапаттау жүйесіне сәйкес, алтын медаль иегерлері – 3000 доллар, күміс жүлдегерлер – 2000 доллар, ал қола иеленгендер – 500 доллар көлемінде сыйақы алады. Олардың қатарында жас боксшылар да бар.
Айта кетейік, бұл додада Қазақстан құрамасы 24 алтын, 29 күміс және 40 қола медаль жеңіп алып, жалпы есепте үшінші орынға тұрақтады. Қазақстан спортшылары өзбекстандықтардан 13 алтынға кем түсті.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан