"Ауызы үлкен екен": Аша Матай келін түсірді (видео)
Аша Матай келін түсірді, деп хабарлайды Stan.kz ақпарат агенттігі.
Інісінің шаңырақ көтеріп, келін алып келгенін өнер иесі желідегі парақшасында жазып, қыз ұзату рәсімінен суреттер жүктеген. Ата-анасының тағы бір мәрте құда болып, төс қағыстырғанын көрсетті ол.
2017 жылы мектеп бітірген Аша Матайдың інісі Талдықорғанның қызын алып, отбасын қуанышқа бөледі. Енді өнер иесінің анасы келін жұмсап, қолы ұзаратын болады.
Інісі Асылжанның шаңырақ көтеріп жатқанын көрген желідегілер де қалыс қалмай, құттықтауларын жеткізді. Олар жастарға жақсылық атаулының барлығын тілеп, ниеттерін байқатқан.
"Екі жас бақытты болсын. Келіннің аяғы жеңіл болсын", "Пысық жігіт, құтты болсын", "Асылжан, жарайсың. Талдықорғанның қызын алып жатыр", "Келіннің ауызы үлкен екен", "Махаббаттары тәтті болсын", "Шаңырақтары биік болсын", "Бар бақытты тілеймін", - дейді жұрт.