Атырауда суға құлап кеткен жасөспірімдерді құтқарған бала медальмен марапатталды
Төтенше жағдайлар министрі Юрий Ильиннің бұйрығымен 8 жасар Дінмұхаммед Жаңбырбай "Суға батқандарды құтқарғаны үшін" медалімен марапатталды, деп хабарлайды Stan.kz ақпарат агенттігі.
Марапатты Атырау облысы төтенше жағдайлар департаменті басшысының міндетін атқарушы Нұрлан Жаңабай табыстады.
"Министр Дінмұхаммедке батырлық іс-әрекеті үшін, оның ата-анасына айналасындағыларға көмекке келуге дайын тұратын баланы тәрбилегені үшін алғыс білдірді", – делінген хабарламада.
Еске салайық, бұған дейін Атырауда 8 жасар бала ойнап жүріп Жайық өзеніне құлап кеткен достарын құтқарып қалғаны туралы хабарлаған едік.
Желіде тараған видеодан үш баланың мұз үстінде жүргенін көруге болады. Бір сәтте мұз сынып, 14 және 9 жастағы екі бала суға құлап кеткен. Алайда Жаңбырбай Серікұлы достарының бірін судан шығарып алған. Кейін судан шыққан жасөспірім үшінші баланы құтқарып қалды.
Талқылау
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
Басқа қыздар да басынан өткен ұқсас оқиғаларды баяндады
"Қуыршақ секілді тістеп ары-бері сүйреді": Алматы облысында 10 жасар баланы иттер талап, сан еті мен құлағын жұлып алған
Екатерина істі сотқа жеткізіп, медициналық анықтамаларды жинап, кейін прокуратураға шағымданбақ