"Ата-анаң қанша табыс табады?": Мектеп сауалнамасындағы сұрақтар қазақстандықтардың жағасын ұстатты
Ата-анаң қанша табыс табады және өгей әкеңмен немесе өгей шешеңмен тұрасың ба - мектеп сауалнамасындағы осындай сұрақтар қазақстандық ата-аналардың наразылығын тудырды. Бұл туралы Stan.kz ақпарат агенттігі 31-ші арнаның "Информбюро" жаңалықтар бағдарламасына сілтеме жасап.
Анна Котряхова інісін өзі тәрбиелейді. Жігіт оған колледждің сауалнамасын көрсеткен кезде ол шошып кеткен. Білім алушылардан өгей әкесімен немесе өгей анасымен бірге тұратынын сынып чатында жазып жіберуді сұраған.
"Ата-аналар қанша табыс табады? Білім министрлігіне бұл не үшін керек? Түсінбеймін. Қандай үйірмелерге барады? Осындай сауалнамалар. Үйде қанша бөлме бар, тұрғын үй алаңы. Бұл деректер қайда кететіні туралы ешкім ақпарат бере алмайды!", - деді Анна Котряхова.
Мұғалімдердің күдікті сұрақтарына бүкіл елдегі ата-аналар шағымданды. Қарағанды қаласының білім бөлімінде сауалнама жақсы ниетпен жүргізілетініне сендірді.
"Сыныппен жұмысты ұйымдастыру үшін әр сынып жетекшісі сынып төлқұжатын жасайды, онда жұмыс үшін, оның ішінде оқушылардың отбасылары туралы әртүрлі ақпарат бар. Бұл ақпарат, мысалы, ата-аналарды әлеуметтік қолдау туралы (көп балалы және аз қамтылған отбасылар үшін) уақтылы хабардар ету, сынып жетекшісінің баланың заңды өкілімен бірлескен жұмысын құру үшін қажет", - деді Қарағанды қаласының білім бөлімі.
Мектептерде балаларды отбасындағы зорлық-зомбылыққа ұшыраған оқушыларды анықтау үшін сауалнамалар толтыруға мәжбүр етеді. Сауалнама жасырын өтеді-міс. Ал балаларға жеке аккаунтынан кіруі керек сілтемелер береді, бұл анонимдікке күмән келтіреді. Заңгерлер бұл конституцияның жеке өмірге қол сұғылмаушылық құқығы туралы бабын тікелей бұзу деп есептейді.
"Ал ол еденде немесе төсекте ұйықтап жатыр делік, үш қабатты немесе екі қабатты көрпеше бар - айырмашылығы қандай? Олардың бұған қол сұғуға құқығы жоқ. Баланың денесі күн сайын көгерген кезде сұрақтар туындайды, иә? Бала психологиялық тұрғыдан жабық болады. Бұл жағдайда психологиялық сараптама жасаңыз. Бірақ конституциялық құқықты бұзуға болмайды", - деді заңгер Жаслан Айтмағанбетов.
Ата-аналардың да, балалардың да сұрақтарға жауап бермеуге және жеке мәліметтерді ешкімге бермеуге толық құқығы бар, деп санайды заңгер. Оның үстіне, егер мұндай сауалнамалардан кейін олар мектептен оқушының үйіне тексеріспен келсе, оларды кіргізу немесе кіргізбеу де әр отбасының жеке ісі.