Астана тұрғыны тұрақта тұрған көлігін таба алмай полиция шақырған
Астанада полицилей тұрақта тұрған көлігін таба алмаған тұрғынға көмектесті.
“Шамамен екі сағаттан кейін автотұраққа қайтып келіп, көлігімді таба алмадым” — деп жазды ол.
Ян Легнавский тұтас кварталды бірнеше рет айналып шыққан, аяз 36 градусқа дейін көтеріліп, жағдайды қиындатқан. Көлігін іздеймін деп қатты тоңып қалған.
Содан соң ІІД Жедел басқару орталығының 102 нөміріне қоңырау шалып, полицейлерден көмек сұраған.
“102 телефонына қоңырау шалдым. Бірнеше минуттан кейін сол жерде патруль машинасын күтіңіз деген хабар келді”, — деді ол.
Жылдам жеткен полицейлер керек мәліметті алып, орталық бейнебақылау пунктіне жіберген. Содан кейін олар көлік тұруы мүмкін аумақты аралауды бастайды.
“Менің бір таңғалғаным, бес минуттан кейін патрульге орталық бейнебақылау пунктінен көліктің қайда тұрғаны туралы хабарлама келді. Бірнеше минуттың ішінде көлігіме отырдым”, — деп жазды Легнавский.
Қала тұрғыны хатында Жедел басқару орталығының қызметкерлері мен көмекке келген патрульдік машинаның экипажына алғыс жариялауды сұраған.
Ян Легнавский елордалық полицияның басшысына алғыс сөз жазылған хат жолдады. Ол көлігін 22 қаңтар күні Сауран көшесіндегі үйдің аумағындағы тұраққа қойған.