Астанада қарулы ер адам арнайы жасақ қызметкерін жаралады (видео)
Әлеуметтік желілерде Астанада атыс болып, ішкі істер министрлігіне қарасты “Сұнқар” арнайы жасағының қызметкері зардап шеккені туралы ақпарат тарады. Бұл туралы Stan.kz ақпарат агенттігі хабарлайды.
Желіде жарияланған мәліметтерге сүйенсек, "Сұнқар" қызметкері көлікпен келе жатқан кезде жолға қарулы адам шыққан. Күдікті арнайы жасақ қызметкеріне оқ атып, нәтижесінде ол қабырға және мойын аймағынан жарақат алған.
Желіде күдіктінің ұсталған сәті түсірілген видео жарияланды.
Астана қалалық полиция департаментінің мәліметінше, ер адам аңшы мылтығынан автокөлік жүргізушісіне оқ атқан, содан кейін оқиға орнынан қашып кеткен.
“Оқиға туралы зардап шеккен адам “102” арнасына хабарлаған. Оқиға орнына дереу полиция қызметкерлері барды. Жүргізілген жедел-іздестіру шаралары барысында 21 жастағы күдікті ұсталды”, – делінген департамент хабарламасында.
Полиция жәбірленушінің құқық қорғау органы қызметкері екенін растап, оқиға болған кезде оның еңбек демалысында болғанын мәлімдеді.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді