"Қалада, республиканың басқа қалаларында оқиғалар болып жатқаны туралы біз де басқа азаматтар секілді хабардар едік. Бірақ өндірістік қызметке ешқандай шектеулер, тыйымдар болған жоқ. Әуежай жұмысы әдеттегідей жүріп жатты, әуе кемелерінің ұшып-қонуы жүргізілді. Тек қаңтардың 4-інен 5-іне қараған түні әуежайдың барлық мобильді топтары әскери бөлімдермен күшейтіліп жатқанын көрдік. Мен бұл туралы жұмысқа келген кезде білдім. Әуежайда кіруді бақылау әдеттегідей жүргізілді, жақын жерде тек әскерилер ғана болды. Олар әлдебір әскери бөлімнің курсанттары еді", - дейді Виктор Голубев.

Ол түскі сағат екілер шамасында әуежайдың штаб-пәтерінде жиналыс өткенін, онда әуежайда күтпеген жағдайлар туындаған кезде қауіпсіздікті күшейту мәселелері талқыланғанын түсіндірді.

Кездесуде әуежай президентімен келіссөздер жүргізіліп, әуежай қалыпты режимде жұмыс істеуі керек деген шешімге келген.

"Әскердің әрекеті заңды": Қаңтарда оқ тиіп, көлігінде өртеніп кеткен ерлі-зайыптының ісі бойынша тергеу тоқтады

Қаңтар оқиғасы кезіндегі азаптау деректеріне байланысты 9 тәртіп сақшысы сотталды

"Жиыннан кейін Авиациялық қауіпсіздік қызметінің (АҚҚ ) басшысы қызмет ғимаратына қайта оралып, әуежайда қандай іс-шаралар жоспарланғаны туралы нақты деректер жоқ екенін айтты. Бұл стратегиялық нысан болғандықтан, мүмкіндігінше күшейтуіміз керек еді. Күзет бөлімінің бастығы терминалдағы авиациялық қауіпсіздікті қамтамасыз ету жұмысын күшейту үшін демалыс ауысымынан шамамен 15-20 адамды шақыруды ұйғарды", - деп қосты ол.

Голубевтің айтуынша, күндіз әуежайға Қазақстанның авиациялық әкімшілігінен қауіпсіздікті күшейту және жолаушыларды қолмен тексеру пайызын арттыру туралы жеделхат келіп түскен.

Голубев бұйрық жобасын орындауға дайындаған. Куәгердің айтуынша, ол үйден шыққан соң, кешкі сағат 20.00-де Авиациялық қауіпсіздік қызметінің бастығы күшейтілген топты жеке нұсқап, жағдай ушығып кеткен жағдайда жолаушылардың қауіпсіздігін қамтамасыз ету жөнінде тапсырма берген.

"Сағат 16.00-де әскери бөлімдердің әуежай қоршауынан шығып, белгісіз бағытта кетіп бара жатқанын көрдік. Біз мұны қаладағы жағдай қалыпқа келген екен деп түсіндік", - деп қосты ол.

Виктор Голубевтің айтуынша, АҚҚ жұмысы – жағдайдың ошағына тосқауыл қою және азаматтық авиация қызметіне қол сұғу, әуе кемелерін басып алу, аумаққа ену секілді әрекеттердің алдын алумен байланысты.

Одан кейін оқиға орнына құқық қорғау органдарының, ҰҚК, Ішкі істер министрлігінің жедел әрекет ету күштері келіп, әуежай автоматты түрде солардың бақылауына өтеді.

Алматыда Қаңтар оқиғалары кезінде әуежайды басып алу ісі бойынша сот отырысы басталды

"Биліктің күресіне 4 жасар қыздың қатысы қанша еді": Қаңтарда оққа ұшқан Айкөркемнің әкесі барлық кінәлілерді жазалауды талап етеді

Күнделікті жұмыста келушілердің деструктивті әрекеттері анықталған кезде АҚҚ желілік полиция бөлімінің қызметкерлерін шақырып, оларға материалдарды тапсырады. Сондай-ақ куәгер АҚҚ қаруының бір бөлігі орнитологиялық ұшу қауіпсіздігін қамтамасыз ету үшін, яғни құстарды ұшақтардың қону және ұшып көтерілу аймақтарында жиналып қалмас үшін үркіту үшін қолданылатынын түсіндірді.

АҚҚ қызметкерлерінің "Қазаэронавигация" аумағында болғанын айтқан куәгер ол жерге тек "Қазаэронавигация" қызметкерлері ғана жіберілетінін, ал әуежай қызметкерлері мен техникалық қызмет көрсету қызметкерлері барар алдында рұқсат алуы керек екенін түсіндірді.

Еске салайық, әуежайды басып алу оқиғасына байланысты азаматтық белсенділер Әйгерім Тілеужанова мен Қалас Нұрпейісов, сондай-ақ Нұрлан Дәлібаев, Ермұхамет Шилібаев және Жанайдар Кәрменов айыпталған. Оларға жаппай тәртіпсіздіктер ұйымдастырды, әуежайды басып алуға және әуежайдың жұмысын тоқтатуға бағытталған әрекеттер, сондай-ақ ҰҚШҰ әскерлерінің келуіне кедергі келтірді деген айыптар тағылған.

Талқылау