Соңғы жаңалықтар
Соңғы жаңалықтар

Алматы облысында меценат жалғызбасты анаға үй сыйлады

Алматы облысында екі баласы бар жалғызбасты ана меценаттың көмегінің арқылы қоныс тойын тойлады, деп хабарлайды Stan.kz ақпарат агенттігі. 

кілт

Мирагүл Сапарбаеваға үйді "Іргетас-Құрылыс-II" ЖШС директоры, Алматы облыстық мәслихатының депутаты Әлібек Сәрсенов сыйлады. 

Әйел Алматыдағы "Диаверум" медициналық орталығында санитар болып жұмыс істейді. Отбасы ұзақ уақыт бойы материалдық жағдайына байланысты тұрғын үйді жалға алуға мәжбүр болды. Кейін Мирагүл "Nur Otan"партиясының Қарасай аудандық филиалынан көмек сұрады. 

Әлібек Сәрсенов отбасының баспана мәселесін шешуге көмектесіп, Жібек Жолы ауылынан жалпы ауданы 80 шаршы метр және 10 сотық жер телімі бар үй сатып алды.

"Өтінішіме құлақ асқандардың барлығына үлкен алғыс айтамын және бүкіл отбасымыздан Әлібек Пернебайұлына ерекше алғыс айтамын. Ұлдарыммен бірге қуаныштың көз жасын тоқтата алмай тұрмыз. Әлемде жақсы адамдар көп", - деді Мирагүл Сапарбаева.

Айта кетейік, бұл меценаттың қиын өмірлік жағдайға тап болған адамдарға көрсеткен алғашқы көмегі емес. Бұған дейін ол көп балалы жауынгер-интернационалисттің асыраушысыз қалған отбасына және басқа да жерлестерінің отбасыларына тұрғын үй мәселесін шешуге көмектесті.

Талқылау
Пікір
Қазір оқып жатыр
Çàãðóçêà...
Қазір оқып жатыр