Оқиға 9 ақпан күні сағат 17.00-де Панфилов ауданының Басқұншы ауылдық округінде, таулы жерде, жаңадан салынып жатқан Шүкірбұлақ - Қазанкөл трактор патрульдік жолының 23-ші шақырымында орын алды. Екі қар көшкіні "Газельді" басып қалған. Оның салонында осы жолды салумен айналысатын мердігер ұйымның жеті қызметкері болды. Адамдар жұмыстан 19 шақырымда орналасқан уақытша базаға кетті.

ШҚО-да көшкіннің астында қалып көз жұмған туристің мәйітін достары бірнеше сағат қазып алған

Тауда жоғалып кеткен алматылықтың өлі денесі табылды

"Мердігерлік ұйымның күшімен және қаражатымен көшкінге ұшыраған жеті қызметкерге өз бетінше көмек көрсетілді. Қар көшкіні салдарынан зардап шеккендер мен қаза тапқандар жоқ, жол тазаланды. ТЖД құтқарушыларын оқиға орнына шақырған жоқ. Жағдайды нақтылау үшін оқиға орнына ТЖД, "Қазселденқорғау" және ЖАО қызметкерлері төрт адамнан шықты", - деп хабарлады облыстың ТЖД.

Еске салсақ, бұған дейін Алматы облысының ТЖД өңірдің таулы аудандарында көшкіннің болуы мүмкін екенін ескерткен болатын. Облыс аумағында көшкін қаупі бар жағдай бүгінгі күнге дейін сақталып отыр. Осыған байланысты сақтық ережелерін сақтау және таулы жерлерге барудан және серуендеуден бас тарту қажет.

Талқылау