Әлеуметтік желіде педофилді ұрған полицейді қорғайтын акция басталды
Әлеуметтік желі қолданушылары күдікті педофилді полиция бөлімшесінде ұрған сержантты қолдауға арналған сержантты қолдау акциясын бастап кетті. Бұл туралы ҚазАқпарат хабарлайды.
Желі қолданушылары #Сержант Прав деген хештег қойып, плакатқа жазған суреттер жариялай бастаған. Олар қызметінен қуылып үстінен іс қозғалуы мүмкін полицейді қорғауға шақырып жатыр. Одан бөлек адамдар өз парақшаларында қолдау видеоларын жариялауда.
Сот-медициналық сараптамасы көрсеткендей, 5 жасар қыз зорланған.
“Бес жасар қызды зорлап және оны тергеу кезінде қалыпты жағдай ретінде айтып отырған адамды шыдамай ұру – бұл қалыпты нәрсе. Оқиға орынында педофилді ұстаған тәртіп сақшысының қайсы болмасын өзін ұстай алмайды. Тергеу тобы жылаған, әбден қорқып қалған қызды педофилдің жатын бөлмесінен тапқан. Ішкі істер департаменті басшысынан сержантты босатуды сұраймыз. Ол қыздың әкесі баратын қадамға барды”, – дейді Сәтпаев қаласының тұрғыны Арман Сәрсенбаев.
Бұған дейін хабарлағанымыздай ер адам 5 жасар қызды алдап пәтеріне апарып, зорлағанын мойындаған еді. Тергеу аяқталған соң сержант шеніндегі қарауыл ашулықтан өзін ұстай алмай педофилді соққыға жықты. Ал дәрігерлер қыздың жағдайы орташа қалыпта деп мәлімдеді.
Оқи отырыңыз:
Мысырда жоғалған қазақстандық студенттер табылды
Дәрігерлер Алматыда көлік қаққан 5 науқастың жағдайын айтып берді
Мемлекеттік білім грантына ие болғандардың тізімі жарияланды
Құлағы кіші жігіттер “жүргіш” келеді: Келіншек қыздарға күйеуді қалай таңдау керектігін айтты