Александр Бублик әлемнің бірінші ракеткасын жеңіп кетті
Қазақстандық теннисші Александр Бублик Германияның Галле қаласында өтіп жатқан ATP турнирінде сенсациялық жеңіске жетті. Бұл туралы Stan.kz ақпарат агенттігі хабарлайды.
Ол әлемдік рейтингтің көшбасшысы, италиялық Янник Синнерді 1/8 финалдық кезеңінде үш сет қорытындысы бойынша — 3:6, 6:3, 6:4 есебімен ұтып, ширек финалға жолдама алды.
Бұл — Бубликтің Синнерге қарсы алған екінші жеңісі. Бірінші рет ол өткен жылы дәл осы жарыста қарсыласын жарақатына байланысты матчты тоқтатқан сәтте — 7:5, 2:0 есебімен алда келе жатып жеңген еді.
Еске салайық, жуырда ғана "Ролан Гаррос" турнирінің ширек финалында Синнер Бубликке еш мүмкіндік бермей, 6:1, 7:5, 6:0 есебімен айқын басымдықпен жеңіске жеткен еді.
Алайда бұл жолы Бублик шеберлігін көрсетіп, турнирдің басты фаворитін жарыстан шығарып, шөп жабындысында тамаша ойын үлгісін көрсетті.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан