Ақтөбеде есірткі тасымалдаған жігіт туған күнінде ұсталды
Ақтөбеде есірткі таратты деген күдікпен 21 жастағы жігіт ұсталды. Тұтқындау кезінде оның туған күні болған екен. Бұл туралы Stan.kz ақпарат агенттігі хабарлайды.
Фото: Polisia.kz
Полицейлер жігіттен есірткі салынған 24 пакетті тапты. Сараптама оның мефедрон екенін растады. Сонымен қатар ұсталған адам басқа да есірткі заттарын жасырған жерлерін көрсетті.
Қазір бұл іс бойынша сотқа дейінгі тергеу жүріп жатыр, туған күн иесі уақытша ұстау изоляторына қамалды.
Еске салсақ, осыған дейін Қазақстанда есірткі тасымалдайтын курьерлер шартты түрде мерзімінен бұрын бостандыққа шыға алатыны туралы жазған едік.
Талқылау