AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
Соңғы жаңалықтар
Соңғы жаңалықтар

Ақтөбе әуежайында қалып қойған ресейліктер үйлеріне орала алмай отыр

Ақтөбе әуежайында қалып қойған мәскеуліктер Аэрофлот компаниясы халықаралық рейстерді тоқтатқандықтан үйлеріне ұша алмай қалды, деп хабарлайды Stan.kz ақпарат агенттігі. Бұл жөнінде жергілікті Диапазон басылымы жазады.

"Мен 5 наурызда "Аэрофлот" әуе компаниясы арқылы Мәскеуден Ақтөбеге ұшып келдім. Қайтар билетім 12 наурыз күніне алынған. Кеше "Аэрофлот" барлық халықаралық рейстерді, соның ішінде Қазақстаннан Ресейге баратын рейстерді де тоқтатты деген ақпарат шықты. Ақтөбеден Мәскеуге ұшатын жалғыз рейс тек осы әуе компаниясы арқылы жүзеге асырылатын. Енді үйіме қайта алмай қалдым. "Аэрофлот" сенім телефоны да, Қазақстандағы Ресей елшілігі де жауап бермейді. Ақтөбеге ұшып келген орыстар енді не істейді? Менімен бірге 100-ге жуық адам ұшты, негізінен олардың барлығы Ресей азаматтары", – дейді жолаушылардың бірі.

Өз кезегінде әуе компаниясы Instagram-дағы ресми парақшасында отанына оралуы қажет азаматтардың тізімі әлі де жиналып жатқанын айтып, жауап берген.



"Қазіргі уақытта елге оралу үшін көмекке мұқтаж Ресей азаматтарының тізімдері жиналып жатыр. Арнайы көмекке қол жеткізу үшін Ресей сыртқы істер министрлігінің шетелдік көмекші мобильді қосымшасына тіркелуіңізді сұраймыз (iOS, Android жүйелерінде қолжетімді). Сондай-ақ Ресей азаматтары туындаған мәселелері туралы "Ростуризм" сенім телефонына 8-800-200-34-11 (Мәскеу уақытымен 8-ден 20:00-ге дейін) хабарлай алады. Билеттің қайтарым ақысын алу үшін оны сатып алған жерге өткізуге болады", – делінген хабарламада.

Алайда көрсетілген нөмірлерге хабарласу мүмкін болмаған. Ал Ақтөбе әуежайының қызметкерлері Қазан арқылы ұшатын екінші рейстің бар екенін айтты. Ақтөбеден Қазанға рейстер аптасына екі рет Qazaq Air әуе компаниясы арқылы жүзеге асырылады.

Талқылау
Пікір
Қазір оқып жатыр
Қазір оқып жатыр