Ақтауда ұрлықшының дүкен сатушысын қылқындырған сәті видеоға түсіп қалды

Ақтауда азық-түлік дүкенге ұрлыққа түсіп сатушыны қылқындырып өлтірмекші болған қаскөй ұсталды, деп хабарлайды Stan.kz ақпарат агенттігі КТК арнасына сілтеп.

Еңгезердей жігіт су алып, ақшасын төлеуден бас тартқан. Ол дүкен иесін танитынын айтып қоңырау шалуын сұраған. Алайда сатушы тілін алмаған соң, 28 жастағы күдікті сыртқа қашып шықпақ болған шынашақтай қызды қылқындырып талдырып  тастаған

Жерде ес-түссіз жатқан қыздың басынан теуіп, ақшасы мен ұялы телефонын алып кеткен. Күдікті көп ұзамай қолға түсті. Оған қатысты қылмыстық іс қозғалып, тергеу абақтысына жабылды.