Ақтауда адамдарды құтқару кезінде қаза тапқан ер адамның отбасына баспана берілді
Фото: lada.kz, mangystau.news
Ақтауда Каспий теңізінде адамдарды құтқару кезінде суға батып кеткен Ерлан Шонтабаевтың отбасына баспана берілді. Бұл туралы Stan.kz ақпарат агенттігі хабарлайды.
Маңғыстау облысының әкімдігінің мәліметінше, марқұмның отбасына жаңа үш бөлмелі пәтердің кілті табысталған.
Қайғылы оқиға 26 шілде күні Каспий теңізінің жағалауында болған еді. Ерлан Шонтабаев суға шомылуға тыйым салынған аумақта теңізге ағып бара жатқан екі қызды құтқарып қалған. Үшінші ер адамды құтқармақ болып көмекке ұмтылғанда қатты толқындарға байланысты өзі судан шыға алмай қалған.
6 тамыз күні марқұмның туыстарына жаңа үш бөлмелі пәтердің кілті табысталды. Баспана құрылыс компаниясының қолдауымен берілген.
Еске салсақ, бұған дейін Ақтауда ер адам суға батып бара жатқандарды құтқарып, өзі батып кеткені туралы жазған едік. Марқұмның артында жұбайы мен 5 баласы қалды.
Талқылау
"Мықты еркек қана көп әйел ала алады": Тоқал болуға келіскен қазақстандық өмірінен сыр шертті
Кейіпкер: "Жылылықты таппаса екіншіні, үшіншіні, тіпті төртіншіні де іздей бастайды"
"Тегін тамақ беріп, емдік шөптің тамырын тауып әкелді": Оңтүстік Кореяға ем іздеп барған қазақстандық қыз күтпеген жерден кәріс ата-әже тауып алған
Құралай: “Олар бүгіннен бастап сен менің қазақстандық қызымсың, бұл менің немерем” деді