"Ақша мен атақтың буы": Мақпал Жүнісова не себепті 20 жас үлкен адамға тұрмысқа шыққанын түсіндірді

Танымал әнші Мақпал Жүнісова оқырмандарымен сырласып, жеке өмірінен сыр шертті. Бұл туралы Stan.kz ақпарат агенттігі хабарлайды. 

Фото: Жеке парақшадан алынды

Өнер иесінің оқырманы: “Мақпал мен Сембек жарасып тұр. Өзінен 20 жас үлкен адамға неге шықты екен?! Ақша мен атақтың буы шығар?! Жастық шағы өтіп, жалғыз қалу өте қиын. Мақпал, неге өзің сүйіп қосылмадың?”, – деп сұрады. 

Халық әртісі де тыңдарман сұрағын жауапсыз қалдырмады. 

“Ақша көрмей өсті дейсің бе?! Бала кезімнен молшылық пен баршылықты көріп өстім. Барлық қарттан ең көп бата алған баламын. Қарным тоқ, көйлегім көк болды. Қайда барсам да, ән айтып, қошеметке бөлендім”, – деп жазды әнші. 

• "Сембек екеумізге арнайы жазды": Мақпал Жүнісова ғашықтар күнінде ерекше жазба жариялады

• "Дәретханасынан шошисың": Мақпал Жүнісова Шелек ауылының әкімдігіне үндеу жасады

Одан кейін марқұм саясаткер Заманбек Нұрқаділовті де еске алып, бай отбасынан шықпағанын айтты. 

“Мен қызығып, тиіп алатындай Зәкең бай болған жоқ. Әкесі де дәулетті болмаған. Жалпы, ол әулет байдың тұқымынан емес. Бос әңгімені қайтесіңдер. Бақыттың бәрі ақшада емес”, – деді халық әртісі. 

Еске салайық, өнер иесі жеті жылдан кейін заңды неке қидырғанын көрсеткен еді.