АҚШ пен Қытай 2030 жылдары ғарыштық тепе-теңдікке қол жеткізеді

АҚШ пен Қытай 2030 жылдары ғарыштық тепе-теңдікке қол жеткізуі мүмкін. Бұл туралы Stan.kz ақпарат агенттігі РИА Новости басылымына сілтеме жасап хабарлайды. 

Болжамды Ресей ғылым академиясының Ғарыштық зерттеулер институтының ғылыми директоры, академик Лев Зеленый айтты.

"2030-шы жылдардың ортасында немесе соңында Қытай өзінің ғарыш кеңістігіндегі орнын нақтыламақ. Олар қазірдің өзіңде Америка Құрама Штаттарымен бәсекелесе алатын деңгейге жетуде", – деді маман.

Оның айтуынша, космонавтиканың барлық салаларында тараптар арасындағы толық теңдікке бірден қол жеткізу екіталай. Өйткені бір саладағы қарсыласты басып озып, басқа салада одан жеңілуге ​​болады. 

"Олимпиадада спорттың әр түрі бойынша жарыстар өтеді. Бірақ ұпай саны жинақталатын командалық классификация бар", – деді академик.

Академик қазіргі уақытта Қытай астронавтика саласында Ресейді басып озғанын айтты.