Ақордада Макрон кеншілердің қазасына байланысты Қазақстан халқына көңіл айтты

Франция президенті Эммануэль Макрон Ақордада өткен кездесуде Костенко атындағы шахтада 46 кеншінің қазасына байланысты Қазақстан халқына көңіл айтты. Бұл жөнінде Stan.kz ақпарат агенттігі хабарлайды.

Екі елдің басшылары сауда-экономикалық, инвестициялық және энергетикалық ынтымақтастықты нығайту жөнінде келіссөздер жүргізді, сондай-ақ халықаралық және өңірлік күн тәртібіндегі мәселелерді талқылайды.

“Осыдан бірнеше күн бұрын Қарағандыда болған қайғылы оқиғаға байланысты өз халқымның атынан көңіл айтқым келеді. Осы қаралы сәтте зардап шегіп жатқан отбасыларға тағы да көңіл айтамын”, – деді Макрон.

Ол сондай-ақ елдердің аумақтық тұтастықты құрметтеуге негізделген көпжақтылық жүйесіне, БҰҰ Жарғысына және халықаралық нормаларға берік екенін атап өтті. Ол сондай-ақ Украинадағы соғысқа және санкцияларды айналып өтуге қарсы күреске қатысты ұстанымы үшін Қазақстанға алғыс айтты.

• Костенко шахтасында қаза тапқан кеншілердің толық тізімі жарияланды


• Қазақстанға арнайы сапармен келген Макрон Тоқаевпен не туралы сөйлесті

Естеріңізге сала кетейік, 28 қазанда Костенко шахтасында метан газы жарылған. Соққы толқынының таралу диапазоны 2 км-ден асқан. Апат кезінде жер астында 252 шахтер болған деп айтылады. 206-сы өз бетімен жер үстіне шыққан. Қалғандары сыртқа шыға алмай қалған.

Алдын ала мәлімет бойынша, апатқа көмір оятын орыннан өрттің шығуы себеп болған.

29 қазан елімізде жалпыұлттық аза тұту күні болып жарияланды. Бүкіл елде жалау түсіріліп, барлық ойын-сауықтар тоқтатылды.

Апаттан кейін президент Қасым-Жомарт Тоқаев Қазақстан үкіметіне "АрселорМиттал Теміртау" АҚ-мен ынтымақтастықты тоқтатуды тапсырды. Қарағанды ​​облысында кеншілердің өліміне қатысты қылмыстық іс қозғалғаны белгілі болды. Үкімет "АрселорМиттал Теміртау" АҚ меншігін Қазақстанның пайдасына беру жөніндегі мәміле қазірдің өзінде аяқталып жатқанын мәлімдеген. 

Айта кетейік, бұған дейін егер Лакшми Миттал кінәлі деп танылса, құқық қорғау органдары оны жауапқа тартуға құқылы екені айтылған.

Қазақстанда Лакшми Митталды қылмыстық жауапкершілікке тартуды талап ететін петицияға қол жинау басталды.

31-қазанда Төтенше жағдайлар министрі Сырым Шәріпханов Қарағанды облысындағы Костенко шахтасында қаза тапқан кеншілердің соңғысының денесі табылғанын мәлімдеді.