Ақмола облысы соңғы үш жыл ішінде ел өңірлері бөлінісінде әлеуметтік-экономикалық дамудың негізгі индикаторларын орындау бойынша көшбасшы орында тұр. Аймақ ауылшаруашылық бағытына қарамастан, өңдеу өнеркәсібін белсенді дамытуда.

"Өнеркәсіп саласы облыс экономикасында қарқынды дамып келе жатқан сектор болып қала береді. Өңір 100% мойынтіректер шығарады, әрбір 2-ші мамандандырылған автомобиль 65%, трактор 41% астық жинайтын комбайндар 43%",- деді әкімдіктен.

Жыл соңына дейін ең ірі кәсіпорындарды іске қосу күтілуде. Олар "Борей Энерго" ЖШС жел электр станциялары, "Эталон Винд Пауэр", "Эс Джи Брик" екінші кірпіш зауыты. Сондай-ақ, нысандарды - "Бурабай Биогаз" ЖШС биогаз зауытын, "Борей Энерго" ЖШС жел электр станциясының 2-ші кезегін, "Қазақ Даймондс" ЧК техникалық алмаз концентратын шығару фабрикасын, "SG Beton"ЖШС темірбетон бұйымдарын дайындау бойынша өндірісті кеңейту жоспарланған.

Ет және құс шаруашылығы саласының әлеуеті жоғары.

Республикадағы ең ірі кәсіпорындардың бірі "Макинск құс фабрикасы" болып табылады, тұрақты жұмыс есебінен кәсіпорынның қуатын жылына 90 мың тонна құс етіне дейін ұлғайтылып, бес жүзге жуық адам жұмысқа орналастырылды.

Айта кетейік, ауыл шаруашылығының жалпы өнімінің көлемі 114 млрд. теңгені құрады. Ет өндірісінің өсуі 10%-ға, жылқы басы 8%-ға, құс еті 7,5%-ға, қой мен ешкі 5%-ға артты. 100 мың тоннадан астам сүт, 230 млн.дана тауық жұмыртқасы өндірілді.

Талқылау