Әкімдіктер 16 мыңға жуық қайтыс болған қазақстандықты жеңілдетілген тұрғын үй алу кезегіне қосып қойған
Қазақстандағы әкімдіктерде жеңілдетілген тұрғын үй алу кезегінде 15,6 мың қайтыс болған адам тұрған, деп мәлімдеді индустрия және құрылыс министрі Қанат Шарлапаев. Бұл жөнінде Stan.kz ақпарат агенттігі хабарлайды.
“Алдын ала мәліметтер бойынша, 646 мың азаматтың 232 мыңы есептен шығаруға жатады: 96,1 мыңы – соңғы бес жылда тұрғын үйі бар болса, 533-і – Қазақстан Республикасының азаматтығы жоқ, 91,4 мыңы тіркеуі кезекте тұрған аймаққа сәйкес келмейді, 29 мыңы – тіркеусіз және 15,6 мыңы өлілер тізімінде болған”, – деді Шарлапаев сәрсенбі күні мәжілістің жалпы отырысында тұрғын үй саясатын реформалау бойынша заңнамалық түзетулерді таныстыру кезінде.
Оның айтуынша, бұған индустрия және құрылыс министрлігі цифрлық даму, инновациялар және аэроғарыш өнеркәсібі министрлігімен бірлесіп жүргізген ағымдағы кезектегі талдау кезінде көз жеткізген.
- Дені сау және жұмыс істеуге қабілетті азамат пәтер алуға қаржыны өзі жинауы керек – Министр
- "Мүмкін, жемқорлардың ақшасын жұмсармыз": Мәжілісте тұрғын үй кезегін қысқарту мәселесі дау тудырды
- "Әр 5 жыл сайын пәтер алған": Министр тұрғын үй кезегіне тұрудың шарттарын не себепті өзгертіп жатқанын түсіндірді
Сондай-ақ ұсынылып отырған заң жобасында әкімдіктер жылына бір рет тексермейтін, жаңартылған тізімдерді "Отбасы Банкі" интернет-ресурсында жариялай отырып, тоқсанына кемінде бір рет кезекте тұрғандарға түгендеу жүргізуді көздеп отырған көрінеді.
“Бүгінде әкімдіктер министрлікпен бірлесіп, бұл бағыттағы жұмыстарды бастап та кетті. Биылғы жылдың 1 тамызынан бүгінгі күнге дейін 21 607 азамат кезектен шығарылды: ҰОС ардагерлері – бес, жетім балалар – 1045, көп балалы отбасылар – 3539, әлеуметтік осал топтағылар – 7936, мемлекеттік қызметшілер мен бюджеттік сала қызметкерлері – 9002, апатты баспанасы бар азаматтар – 80”, – деп қосты Шарлапаев.