Абай облысында балабақша есепшісі өзіне заңсыз ақша аударып келген
Абай облысында балабақша есепшісі өзіне заңсыз ақша аударып келген. Бұл туралы Stan.kz ақпарат агенттігі хабарлайды.
Сот әйел көп балалы ана болғандықтан жазаны өтеуді кейінге шегерді.
Тергеу барысында анықталғандай, әйел бухгалтер лауазымын атқарқан. Лауазымын қолдана отырып, ақшаны есептеу және аудару бойынша барлық қаржылық операциялар жүзеге асырылатын басшысының ЭСҚ-ы арқылы үш жыл бойы жалған электрондық төлеуге арналған шот-фактуралар беріп отырған. Оның ақшаны өз шотына аударғаны анықталды. Осы уақыт аралығында есепші барлығы 2,5 миллион теңгені иемденіп үлгерді.
"Ұсталған азаматша өз кінәсін толық мойындап, келтірілген материалдық шығынды өтеп берді. Сот оны кінәлі деп танып, мемлекеттік қызмет атқару құқығынан өмір бойына айырумен екі жарым жылға бас бостандығынан айырды. 74-баптың 1-бөлігіне сәйкес Қылмыстық кодекске сәйкес, бас бостандығынан айыру түріндегі жазаны орындау 5 жылға кейінге қалдырылды, өйткені оның он төрт жасқа толмаған үш кішкентай баласы бар", - деді полиция өкілдері.