"400 мың теңге қарызы бар": Алматыда қарт әжейді қара суықта үйінен шығарып жібермекші
Алматыда жасы келген қарт әжейді күздің қара суығында үйінен қумақшы. Бұл оқиғаны видеоға түсіріп, Facebook-те жариялаған Ольга Антропова, деп хабарлайды Stan.kz ақпарат агенттігі.
Видеода әжейдің мемлекетке 400 мың теңге қарызы бар екендігі айтылған, сондықтан оны жылыту маусымы басталғанда пәтерден шығармақшы екен. Зейнеткер әлеуметтік осал топқа жатады.
Оқиға 14 қазанда Клочков көшесіндегі көппәтерлі үйлердің бірінде болған. Бостандық ауданының жеке сот орындаушылары сот шешімін орындауға келді.
"Қосмұратовтың өндірісінде пәтерден шығару туралы төрт атқарушылық құжат болды. Оларды аудандық сот Наталья Чалова, Ольга Давыденко, Ксения Давыденко және Юлия Давыденконың атына жазды. Шығару кезінде пәтерде Наталья Чалова мен Ольга Давыденко, сондай-ақ өзін қоғамдық құқық қорғау бірлестіктерінің мүшелері ретінде таныстырған бөтен адамдар болды. Ольга, Ксения және Юлия Давыденконың борышкерлерінен олар өз еркімен пәтерден шығарылғаны және сот орындаушысына наразылықтары жоқ екендігі туралы арыз келіп түсті", - деді Алматы жеке сот орындаушылар палатасында.
Палатаның мәліметінше, Чаловамен бірге үш күн ішінде, яғни 17 қазанға дейін ерікті түрде шығару туралы келісімге келген. Әжейдің айтуынша, сотқа сот актісін орындауды кейінге қалдыру туралы өтініш берілген.
"Борышкер Ольга Давыденконың атына Әуезов ауданында пәтер тіркелген. Ол мүлікті жалға береді. Барлық растайтын құжаттар мен бейнематериалдар бар. Наталья Чалова халықтың әлеуметтік осал топтарына жататындықтан, атқарушы өндіріс жылыту маусымының соңына дейін тоқтатылды", - деп толықтырды ведомстводан.