Термометр мен жүктілікті анықтау тестісін шатастырып алған жігіт күлкіге қалды

АҚШ-тың Калифорния штатының тұрғыны Исаак Торрес термометр мен жүктілікті анықтауға арналған тестіні шатастырып алып, сүйіктісінің аяғы ауыр деп ойлаған. Оның аңғалдығы желі қолданушыларын күлдірді, деп жазады Stan.kz.

Торрестің сүйіктісі екеуінің әңгімесін Twitter –парақшасында жариялады.

Бойжеткен жігітіне дене қызуын өлшейтін құрылғының суретін жіберіп, таңғалғанын жазған. Термометр Фаренгейт бойынша 100 градусты  (Цельсий бойынша 37,7 градус) көрсетіпті. Өз кезегінде Торрес сүйіктісінің аяғы ауыр деп ойлап, аң-таң болғанын айтып, хат жазған. Ол «біраз уақыттан кейін» өз қателігін түсінгенін және өзін ақымақ сезінгенін мойындапты.

Қатты алаңдаған жас жігіттің сөздері желі қолданушыларын күлдірді. «Торрес 100 градус дегенде «100 пайыз жүктілік» деп ойлаған болар», – деп жазады желі қолданушыларының бірі.

Десе де пікір қалдырған бойжеткендердің арасында өз бастарынан да осындай жағдай өткенін айтқандары болды.