Журналист Владимир Северный түрмеде аштық жариялады
Қазақстандық журналист Владимир Северный тергеу изоляторында аштық жариялады. Ол бопсалау ісі бойынша өзіне тағайындалған үкіммен келіспейді. Бұл туралы Stan.kz ақпарат агенттігі хабарлайды.
Оның адвокаты Елена Жигаленовтың айтуынша, сотталған журналист аштық жариялауды 25 желтоқсанда бастаған. Ол мұндай шешімді үкімнің көшірмесін алғаннан кейін бірден қабылдағанын және айыптау үкіміне ешқандай негіз жоқ екенін айтады. Адвокат аштық жариялау туралы арызды Северныйдың апелляциялық шағыммен бірге жібергенін, бірақ оны әлі көре алмағанын айтты.
Еске сала кетейік, әскери журналист Владимир Северный жеті жылға бас бостандығынан айырылды. Ал жары Наргиз Северная сегіз жылға бас бостандығынан айырылды, бірақ үкім бес жылға кейінге шегерілді.
Бұған дейін мемлекеттік айыптаушы журналистерді 11 жылға бас бостандығынан айыруды сұраған.
Владимир мен Наргиз Северный 20 сәуірде Алматыда ұсталған. Полиция Алматыдағы жеке компанияның басшысы жағымсыз материалдарды жарияламағаны үшін ақша бопсалағанын айтқан.
Айта кетейік, Владимир Северный – әскери тілші. Тұтқынға алынардан бір күн бұрын оның әйелі әлеуметтік желілерде Қорғаныс министрлігі журналистке әскердегі мәселелерді жазғаны үшін қарсы арандатушылықтар дайындап жатыр деген болжам қалдырған.