Жүргізуші мен бір жолаушы табылмай жатыр: Семейде Ертіс өзеніне батып кеткен көлік табылды (видео)
Семейде құтқарушылар Ертіс өзеніне батып кеткен көлікті тапты. Бұл туралы Stan.kz ақпарат агенттігі хабарлайды.
Видеодан скрин
5 қаңтар күні таңертең Семейде жарысып келе жатқан автокөлік Ертіс өзеніне құлап кеткені туралы жазған едік.
Төтенше жағдайлар министрлігі эхолоттың көмегімен суға батқан көліктің табылғанын, іздеу жұмыстарына 100-ден астам қызметкер жұмылдырылғанын атап өтті.
Полицияның мәліметінше, көлікте 4 адам болған.
-
"Мен көліктен, Ердос ұшақтан қорқады": Әнші Айдар Тұрғамбек ірі жол апатына қалай түскенін айтып берді
-
Ақмола облысындағы тас жолда соқтығысқан көлік саны 95-ке жетіп, он бір адам ауруханаға жеткізілді
"Көлікте төрт адам болған. Жас жігіт пен қыз көліктен өз бетімен шыға алған, алайда қызды ағыс алып кеткен. Кейінірек құтқарушылар қыздың денесін тапты. Жүргізуші мен тағы бір жолаушы із-түссіз жоғалып кетті. Оларды іздестіру жалғасып жатыр", – делінген Абай облыстық полиция департаментінің хабарламасында.
Еске салсақ, бұған дейін Ақмола облысында ауа райының қолайсыздығына байланысты бір мезетте 40-қа жуық көлік соқтығысқаны туралы жазған едік.