Жол-көлік оқиғасы болған жерге полиция шақырмау қаншалықты заңсыз – Сарапшы жауап берді

Жолда жол-көлік оқиғасына тап болған жүргізушілер әдетте, оқиға орнына полиция қызметкерлерін шақырмай, мәселені өзара шешуге тырысады. Алайда сарапшылар жол апаты болған жерге тәртіп сақшыларын шақырмай, өзара келісіп, оқиға орнынан кетіп қалған жүргізушілер құқық бұзушы болып саналатынын айтады. Бұл туралы Stan.kz ақпарат агенттігі “Информбюро” жаңалықтар қызметіне сілтеме жасап хабарлайды.

Фото: Видеодан скрин

Жол-көлік оқиғасы болғанда көп жағдайда тәртіп сақшыларының өзі жүргізушілерге өзара келісіп, тарасуға кеңес береді. Ал сарапшылар мұның заңсыз екенін айтады.

“Егер біз ешкімді шақырмай, оқиға орнынан өз бетімізбен кетсек, әкімшілік жауапкершілікке тартыламыз. Тіпті біз өзара келісіп, тарассақ та, әкімшілік кодексті бұзғанымыз”, – дейді заңгер Евгений Яворский.

Қоғам белсенділерінің айтуынша, жол-көлік оқиғасына тап болған жүргізушілер әдетте хаттама толтырмаудың амалын жасайды. 

“Олар біреудің өтемақыны көбірек ұсынғанын күтеді. Бірақ полиция келгенде, артқа қайтар жолдың жоқ екенін түсініп, полицияның сот жүйесіне араласқысы келмей, мәселенің тез шешілуіне жағдай жасайды. Сарапшылардың айтуынша, жол-көлік апатына тап болған жүргізушілердің мәселені шешуде екі жолы бар – полиция шақырады немесе Еурохаттамаға сәйкес жазатайым оқиғаны өзі тіркейді, бірақ міндетті түрде бекітеді.

“Еурохаттама сияқты қосымшаны пайдалануға болады. Қосымшаны жол апатына екі көлік қатысқан кезде, ешкім зардап шекпесе және үшінші тұлғаларға зиян келмеген жағдайда ғана пайдалануға болады. Келтірілген шығын көлемі 100 АЕК-тен аспау керек. Сондай-ақ жүргізушілер көліктерін сақтандырған болу қажет”, – дейді Қостанай облысы полиция департаменті Жергілікті полиция қызметінің аға инспекторы Елена Магасуомова.