"Жыр мен жүрек тоғысқан сәт": Атырауда шабыт кеші өтті
13 тамызда Атырау қаласының Жастар театрында жергілікті ақын-жазушылар – Әлия Дәулетбаева мен Бақытгүл Бабаштың поэзия әлеміне арналған тағылымды кеші өтті.
Сахна төрінде қос қаламгердің жүрек тербеген жырлары мәнерлеп оқылып, әндер шырқалды. Әсерлі өлеңдер мен әуендер залға жиналған көрермендерді терең ой мен нәзік сезімге жетеледі.
150-ден астам әдебиетсүйер адам жиналған шарада жастар тарапынан да қызығушылық басым болды.
Кештің басты мақсаты – жергілікті ақын-жазушылардың шығармашылығын жас буынға кеңінен таныстырып, әдебиетке деген құрмет пен сүйіспеншілікті арттыру.
Жыр кешін Халықаралық Жастар күнінің онкүндігі аясында Атырау облысы Ішкі саясат басқармасының қолдауымен, "Жастар таңдауы-Атырау" қоғамдық бірлестігі ұйымдастырды.
Талқылау
"Киіктерді өз өмірінің құнымен қорғаған батыр": Қорықшы Ерлан Нұрғалиевтің қаруланған броконьерлерді қуамын деп қалай қаза тапты
Қайғылы оқиға 6 жыл бұрын “Охотзоопром” кәсіпорнында болған еді
"Кейбірі сәбиінен, кейбірі анасынан айырылып жатады": Қазақстандықтар перзентхана алдында дүбірлі той жасайтындарды сынады
Акушер: "Көп адамның жиналуы жаңа туған сәби мен анаға түрлі инфекция, вирус таратады"