"Жыл сайын 100 пәтер бермек": Баян Мақсатқызы күйеуі Тұрсен Алагөзовтің мәрттігін айтып, мақтанды

Фото: Подкастан скриншот

Танымал продюсер Баян Мақсатқызы күйеуі Тұрсен Алагөзовтің жомарттығын айтты. Бұл туралы Stan.kz ақпарат агенттігі хабарлайды.

Арт менеджері күйеуі жыл сайын қол астындағы жұмысшыларын қуантпақ.

“Тұрсен үнемі мен және шығармашылығымды қолдап келеді. Мен де оған қолдау білдіремін. 100 пәтер сыйлаймын дегенде бірден қолдадым. Өйткені жұмысшылары шынымен де лайық еді. 20 жылдан бері бір компанияда жұмыс істеген. “Сен жыл сайын 100 пәтер беруге міндеттісің” деп айтқан едім. Құдай саған беріп жатыр, сен оны адамдарға таратып беруге міндеттісің. Мен күйеуіммен мақтанамын және оған күн сайын таңғаламын. Ол таңғалуға лайық адам”, – деді продюсер “Умные люди” бағдарламасында берген сұхбатында. 

• Тұрсен Алагөзов “Қайрат” футбол клубына қомақты сыйлық табыс етті

• “Машина емес, нан алып тұрған сияқты”: Тұрсен Алагөзов өгей қызы Айару Бақытбекке көлік сыйлады

Сондай-ақ продюсер өзі де жиі қайырымдылық жасайтынын айтты. 

“Ата-анасы жоқ бір қызға үнемі көмектесемін. Өте келбетті, тартымды қыз. 120 мың теңге айлыққа жұмыс істейді. Еден жуып, үй тазалап ақылы бөлімдегі оқуының ақшасын төлейді. Ол менен көмек сұраған жоқ, бірақ мен сол қызға көмектескім келді. Оқуының ақшасын төлеп бердім. Қыз болсын, ұл болсын қолымнан келгенінше жәрдем беруге тырысамын. Сал ауруына шалдыққан қыздың да оқуын төлеп беремін. Өте талантты болғасын қолдау білдіремін”, – деді Баян Мақсатқызы. 

Еске салайық, алматылық тұрғын Тұрсен Алагөзов қызметкерлеріне 100 пәтер сыйлаған тұрғын үй кешеніне шағымданған еді.