Жетісу облысында ауыл тұрғындары жолдың жөнделгенін атап өтіп, дастархан жайған (видео)
Жетісу облысындағы Бақтыбай ауылының тұрғындары асфальт төселгенінің құрметіне дастархан жайған. Бұл туралы Stan.kz ақпарат агенттігі хабарлайды.
Видеодан көшенің ортасына қойылған үстелге ауыл тұрғындарының азық-түлік әкеп жатқанын көруге болады.
Желі қолданушылары ауыл тұрғындарын құттықтап, асфальттің дастархан жаю үшін керемет себеп болғанын атап өтті. Сондай-ақ кейбірі көшесі жөнделсе дәл осылай дастархан жасайтынын мәлімдеді.
Еске салайық, бұған дейін Қарағанды тұрғындары көшелеріне асфальт төселгенін атап өтіп, дастархан жайған еді. Ал түнде отшашу атқан.
Талқылау