Жаңа денсаулық сақтау вице-министрі тағайындалды
Әсем Нүсіпова денсаулық сақтау вице-министрі болып тағайындалды. Ол бұған дейін вице-министр қызметті атқарған, деп хабарлайды Stan.kz ақпарат агенттігі премьер-министрдің баспасөз қызметіне сілтеме жасап.
Бұрын бұл лауазымды Людмила Бюрабекова атқарған.
Әсем Нүсіпова 1975 жылы Алматыда дүниеге келген.
1996 жылы әл-Фараби атындағы Қазақ мемлекеттік ұлттық университетін экономист мамандығы бойынша бітіріп, 1998 жылы сол университеттің магистратурасын аяқтады.
2001-2003 жылдары - Қауіпсіздік Кеңесінің экономикалық қауіпсіздік бөлімінің бас сарапшысы, сарапшы, Президент Әкімшілігінің жүйелік зерттеулер орталығының сектор меңгерушісі.
2003-2005 - Қаржы министрінің кеңесшісі.
2005 - премьер-министрдің кеңесшісі.
2005-2007 жылдары - премьер-министр кеңсесінің біріктірілген талдау бөлімінің бастығы.
2007-2008 - Денсаулық сақтау вице-министрі.
2008-2016 жылдары - «ҚазТрансОйл» АҚ бас директорының экономика және қаржы жөніндегі орынбасары.
2016-2019 жылдары - Шығыс Қазақстан облысы әкімінің орынбасары.
2020 жылы - «Астана халықаралық қаржы орталығы әкімшілігі» АҚ бас консультанты.
Шілдеден бастап қазіргі уақытқа дейін - денсаулық сақтау министрлігінің жауапты хатшысы қызметін атқарған.