Жамбыл облысында су жүйесіне 760 миллион бөлінсе де, әлі күнге дейін тіршілік көзі жоқ
Жамбыл ауданына қарасты Көктөбе ауылында үш жылдан бері ауыз су жоқ. Ауылдағы су құбырларының құрылысы өткен жылы аяқталды, бірақ бірнеше үй ғана орталық жүйеге қосылды. Ал қалғаны суды сатып алуға мәжбүр. Бұл туралы Stan.kz ақпарат агенттігі 24.kz сайтына сілтеме жасап хабарлайды.
Жергілікті билік ауыз судың тапшылығын су мұнарасын жобалаудағы мәселелермен түсіндіреді. Оның қуаты бүкіл ауылды сумен қамтамасыз етуге жетпейтін көрінеді. Мамандар жобалық-сметалық құжаттаманы пысықтауы керек болды. Екінші құрылымның құрылысы көктемде аяқталады деп болжанды.
"Үш күн сайын 50-60 литр су әкелеміз. Бұл тек ішуге және тамақ пісіруге жетеді. Ал құдықтың суы тым қатты әрі тұтынуға жарамсыз. Оны жууға, тазалауға, үй шаруасына пайдаланамыз", – деді Көктөбе ауылының тұрғыны Сапарбек Саңырақбаев.
Шу ауданы әкімінің орынбасары Серік Сәрсенбековтің айтуынша, қарамағындағы аумақта тұрғындарды сумен қамтамасыз ету – 76 пайыз.
"Биыл тоғыз ауылға су құбырын тартып жатырмыз, төрт жобаны биыл, қалғанын 2025 жылы аяқтаймыз. Осылайша ауыз сумен 100 пайыз қамтамасыз етеміз", – деді Сәрсенбеков.