Ыстықкөлдегі Қазақстан пансионаттары Қырғызстан меншігіне өтуі мүмкін
Қазақстандық пансионаттарды Қырғызстан балансына көшіретін кез келді. Бұл жайлы экономика министрі Арзыбек Қожошев пікір білдірді.
Министр бұл мәселенің нақты қашан Үкіметтің күн тәртібіне қойылатынын айтпады. Әңгіме негізінен “Олимп” спорттық-сауықтыру базасы, Қорымды ауылындағы “Автомобилист” демалыс үйі, Бөстерідегі “Университет” сауықтыру лагері мен “Самал” демалыс орталығы және Шолпан-Атадағы “Қазақстан “санаториі туралы болып отыр.
Сондай-ақ, “Рохот”, “Дилором”, “Золотые пески”, “Бустон” пансионаттарын да 1992 жылдан бері Өзбекстан уақытша пайдаланып келген. Бұл төрт өзбекстандық пансионаттарды мемлекет қарауына алу туралы келісімге премьер-министр Темір Сариев 4 сәуір күні қол қойды.
Талқылау