Ұлттық банк Қазақстанның футбол клубтарымен монеталар шығарды
Ұлттық банк "Спорт" сериясынан "Қазақстанның футбол клубтары” және федерациясы коллекциялық монеталарын айналымға шығарады. Бұл туралы Stan.kz ақпарат агенттігі хабарлайды.
Фото: Ұлттық банк
Монеталардың сатылымға шығатын күні туралы ақпарат енді белгілі болады.
Қазақстан футбол федерациясымен бірлескен жоба аясында футбол клубтары коллекциялық монеталарының 13 түрін айналысқа шығады.
Монеталарда 2024 жылғы маусымның премьер-лигасы клубтарының логотиптері бейнеленген. Монеталар әр түрінен 7000 дана таралыммен дайындалады. Оның 5000 данасы жеке блистерде және әр түрінен 2000 монета футбол клубтары кәдесый блистер жиынтығында жинақталады.
Монеталар мельхиор (МН 25) қоспасынан дайындалған. Массасы – 15 грамм, диаметрі – 33 мм, дайындау сапасы – brilliant uncirculated, номиналы – 200 теңге, таралымы – әр түрінен 7000 (жеті мың) дана.
Футбол федерациясы монетасында Қазақстан Футбол Федерациясының логотипі бейнеленген. Ол 2000 дана таралыммен шығады.
Коллекциялық монеталар Қазақстан Республикасының бүкіл аумағында өздерінің белгіленген құнына сай төлемдердің барлық түрі бойынша қабылдауға, сондай-ақ елдің барлық банкінде банк шоттарына есепке алуға, аударуға, ұсақтауға және айырбастауға жатады.
Коллекциялық монеталар Қазақстан теңге сарайында дайындалды.