Ұлытау облысында әйелді екі баласымен көлік қағып кеттІ: Бүлдіршін оқиға орнында көз жұмды
Жезқазған-Сәтбаев тас жолындағы жаяу жүргіншілер жолымен өтіп бара жатқан екі баласы бар әйелді көлік қағып кетті. Қайғылы жағдай “Восток” кооперативіндегі “Дача” аялдамасының жанында болған. Бұл туралы Stan.kz ақпарат агенттігі хабарлайды.
Фото: Pixabay.com
3 жастағы баласын жетектеп жаяу жүргіншілер жолынан өтіп бара жатқан әйелдің жанында жаңа туған нәрестесі де болған. Жол апатына 36 жастағы жүргізуші себеп болған. Ауыр жарақат салдарынан 3 жастағы бала оқиға орнында тіл тартпай кетті.
“Әйел мен сәби ауыр жарақаттармен ауруханаға жатқызылды. Оқиғаның мән-жайы анықталып жатыр”, – деп мәлімдеді облыстық полиция департаменті.
Жүргізуші уақытша ұстау изоляторына қамалды. Полиция аталған дерек бойынша қылмыстық іс қозғады.
Ведомстводағылар көлік жүргізушілерін жол ережелерін қатаң сақтауға және жылдамдықты асырмауға шақырды.
Бұған дейін Алматыда жүк көлігі автобуспен соқтығысып, 9 адам зардап шеккені туралы жазған едік.
Талқылау
Жаңа оқу жылында бір оқушыны мектепке дайындау қанша тұрады: Ата-аналар шығындарымен бөлісті
Алматылық Әсел Исаева есімді ана биыл екі баласын мектепке дайындауға былтырғыдан әлдеқайда көп қаражат жұмсағанын айтады
"1 жастағы науқасқа етеккір келді": Қазақстандық гинеколог жыныстық жетілудің жасы қысқарып жатқанын айтып дабыл қақты
Патологиясы бар қыздар міндетті түрде балалар эндокринологының бақылауында болуы керек