"Неке және отбасы" Кодексіне сәйкес, азамат баласы 18 жасқа толғанға дейін алимент төлейді. Ал 21 жасқа жеткенше оқуының ақшасы мен өзге де қажеттіліктерін өтеуге міндетті. Ол үшін ерлі-зайыпты өзара ортақ келісімге келуі керек. Егер қос тараптың бірі бұған келіспесе, онда екінші тарап сотқа арызданып, өтемақы талап ете алады.

"Заң бойынша бір бала болса төрттен бір бөлігін төлейді. Екі балаға табысының 33 пайызы алынады. Ал үш және одан да көп балаға алимент төлейтін адам айлық кірісінің тең жартысын бөліп береді. Бірақ бұдан бөлек басқа да шығындар болса баланың еміне, денсаулығына екі ата-ананың арасында келісім болмаса, сот арқылы мәжбүрлеп өндіруі мүмкін", – дейді заңгер Алина Шынтаева.

Алиментке наразы қазақстандық еркектер бір-бірін қолдау үшін қоғамдастық ашты

"Алимент төлемейді": Маңғыстау облысының әкімі некесіз туған ұлы бар екені туралы қауесетке жауап берді

Заңгердің айтуынша, сот алдымен алимент төлеушінің табысы мен басқа балаларының бар-жоғын тексереді. Егер азаматтың алименттен бөлек қаржы беруге мүмкіндігі болмаса, арыз қанағаттандырылмайды. Алайда көпшілік бұл шешіммен келіспейді. Ал ерлер құқығын қорғайтын қауымдастық мүшесі Наиль Исенаманов сот арқылы өтемақы талап ету дұрыс емес дейді.

"Алименттен бөлек берілетін қаржы негізсіз болмауы керек. Мәселен, жекеменшік ауруханаға бару, ақылы қызметтерді алу деген сияқты дүниелерге ақша талап ету дұрыс емес. Бұл жағдайда ер азаматқа қаржылық демеуші ретінде қарамау керек", – дейді “МАСКУЛИЗМ” ерлер құқығын қорғайтын қауымдастық өкілі Наиль Исенаманов.

Айта кетейік, алименттен бөлек шығындар бала ауыр хәлде немесе асыраушысының табыс көзі аз екенін растайтын құжаты болса ғана төленеді.

Айта кетейік, бұған дейін Қазақстандық ер адам алимент төлемес үшін қитұрқы жоспар ойлап тапқаны туралы жазған едік.

Талқылау