Виза ала алмаған қырғыз аруы Қытайдағы “Әлем аруы” байқауына қатыса алмады
“Мисс Қырғызстан – 2017” байқауының жеңімпазы қырғызстандық сәнбике Бегімай Қарыбекова Қытайда өтіп жатқан әлемдік байқауға бара алмады. Оған елшілікте виза бермей қойған екен.
Бұл туралы kabar.kg басылымы жазды.
“Біз елшіліктің жауабын күтіп отырған кезде байқау басталып кетті. Менімен бірге уайымдап, қолдау көрсеткен жандарға алғысым шексіз. Вице-премьер министрі Шолпан Сұлтанбекова мен БАҚ-қа да айтар алғысым шексіз”, – деп жазады Қарыбекова өзінің Instagram парақшасында.
Естеріңізге сала кетсек, Қарыбекова осы уақытқа дейін Қырғызстанның Қытайдағы елшілігі барлық құжатты ұсынғандарымен, аталған елдің елшілігі виза бермей отырғанын айтқан болатын.
Қарыбекова көптеген халықаралық сұлулық байқауларына қатысқан. Ол “Miss Tourism Eurasia” байқауында гран-приді жеңіп алған болатын. “Top Model Of The World 2016” және “Miss Intercontinental 2016” байқауларында қырғыз елінің намысын қорғаған еді.
Жіберіп алмаңыз:
Қайрат Түнтеков мұхит асып, Америкаға қоныс аудармақ
Ақбота Сейітмағамбет ел алдында Дәурен Айдарқұловтан кешірім сұрады
Әнші Рүстем Жүгінісов отау құрып, дүркіретіп той өткізді (фото, видео)
Егіз қыздардың әкесі атанған әнші Айбар достарымен бірге жарын перзентханадан шығарып алды (видео)