AAPL
169.24 $
2.62 %
TSLA
883.07 $
3.89 %
NDAQ
186.6 $
1.87 %
GOOGL
119.7 $
2.63 %
FRHC
57.56 $
7.61 %
AAPL
169.24 $
2.62 %
TSLA
883.07 $
3.89 %
NDAQ
186.6 $
1.87 %
GOOGL
119.7 $
2.63 %
FRHC
57.56 $
7.61 %
Соңғы жаңалықтар
Соңғы жаңалықтар

 "Үй шаруасы мен жұмыста да бір-бірімізге көмектесеміз": Тараздық ерлі-зайыпты полицейлер отбасы мен қызметтері жайлы айтты

Тараздық ерлі-зайыпты полицейлер Әлішер мен Мөлдір Қалышевтар 6 жыл бойы бірге ішкі істер органдарында қызмет етіп келеді. Қызметте жүріп танысқан олар бүгінде бір ұлды тәрбиелеп отыр. Stan.kz тілшісіне берген сұхбатында әріптес әрі ерлі зайыпты полицейлер қызметі мен отбасы жайлы айтып берді. 

ерлі зайыпты

Отыз жастағы Әлішер Қалышев 2012 жылы патрульдік полиция батальонынан Тараз қалалық ювенальды полиция бөліміне ауысып келгенін айтады. Қазір осы бөлімнің бастығы. 2014 жылы Мөлдірмен танысып, көп ұзамай онымен отау құрыпты. 

"Күз айларында таныстық. Бір-бірімізді күнде жұмыста көреміз. Бастапқыда қатты мән бермедім. Кейін жұмыс барысында араласып, өзіме қатты ұнап қалды. Мөлдірдің жақсы адам екенін бірден аңғардым. Бірінші кезде жеті рет киноға шақырдым. Жетеуінен де бас тартып, ақыры сегізіншісін де киноға баруға келісті. Анасына "осы бір жігіт қайта-қайта шақырып қоймайды деген ғой. Ол кісі рұқсатын беріп, менімен киноға баруға жіберіпті. Анасы да бақытты болатынымызды сезсе керек", - дейді полиция капитаны.

Мөлдір ата-анасына болашақ күйеуінің әріптесі екендігін айтқанда, олар ешқандай да қарсылық білдірмепті. Қайта үйіндегілер қуанған. Өзі үйдің үлкені. Артында бір сіңлісі мен інісі бар. Әкесінің сөзі өмірлік мотивация болған. Әкесі "қызым өте ақылды" деп жиі айтады екен. Өзінің әрбір іске шешім қабылдап, дұрыс таңдау жасайтынына ата-анасы сенім білдірген. Сондықтан да артық уайым болған жоқ дейді. Әлішер екеуінің сөздері де бір жерден шығып, бір-бірін жақсы түсінетіндерін атап өтті. Екеуінің бір ұлдары бар. Осы желтоқсан айында үшке келеді екен. 

"2013 жылдан бастап Тараз қаласының полиция басқармасының Ақпараттандыру және байланыс бөлімінде аға инспектор болып қызмет етемін. Әлішер екеумізде полиция капитандарымыз. Болашақта ұлымыз қалаған мамандығын таңдап, полиция қызметкері боламын десе, ешқандай да қарсылығымыз жоқ. Бастысы сүйікті ісімен айналысса болды", – дейді Мөлдір Қалышева.   

Әлішер Қалешев жұмыстарының уақытылы кестесінің жоғын айтады. Түннің жарымын да бастық шақырса, бұйрықтың кез келген уақытта орындайтындарын айта кетті.

"Мөлдірге үйленемін деп отбасыма барлық жағдайды айтып түсіндірдім. Өзімнің әріптесім екенімді білгенде біздікілер де қарсы болмады. Бір-бірінді жақсы түсінесіңдер деген. Біздің жұмыста кейде әйелдері мен күйеулері келіспей жатады. Түнде жұмысқа шақырса енді түсінбестіктер де болады ғой. Қайта Аллаға шүкір! Екеуміз де бір жерде болған соң, жұмыстарымызды жақсы түсінеміз. Бір-бірімізден жасыратын ештеңе жоқ”, – дейді отағасы. 


Түркістандық ерлі-зайыпты полицейлер 12 жыл бойы бір салада қызмет етіп келеді


Сөзінше, ол кішкентай кезінен полиция қызметкері болуды армандапты. Ата-анасының туыстары құқық қорғау саласында қызмет еткен. Әлішер бала кезінде сол кісілердің киім үлгілеріне қатты қызығып өскен. 

Мөлдір де бала кезден формаға қызығыпты. Нағашы ағасы полиция қызметкері, бірақ қазіргі таңда зейнетте. Анасының қатал тәрбиемен тәрбиелегенін айтты.

Ерлі-зайыптылар отбасы күнінде басшылықтың ұмыт қалдырмайтынын тілге тиек етті. Ішкі істер саласында полицейлер отбасы көп екен айтады

"Үй шаруасын бөлім жармаймыз. Мынау сенің ғана жұмысын деген әңгіме жоқ. Өйткені киімдерімізді мен де, келіншегім де үтіктей береді. Бұл кісінің жасайтын жұмыстарын мен де жасаймын. Екеуміздің де қатты шаршайтынымызды білемін. Үй шаруасын да бірге алып жүруге тырысамыз. Тамақ жағы егер әйелім кешіксе, өзім істеп немесе тапсырыс бере саламыз", - дейді тәртіп сақшысы.

Әлішер Қалышевтың айтуынша, демалыстарда отбасылық дәстүр бойынша бірге қыдырады екен. Еңбек демалысын да бірге шығады. Басшылар да түсініп, жылдың басында алдын ала келісіп қояды. Әріптестері де ерлі-зайыпты екендіктерін біледі. 

"Жұмысымызда әртүрлі жағдайлар болады. Балабақша демалған күндері, баламыз да өзімізбен бірге жұмыста жүреді. Кейде туыстарымыздың үйіне қалдырамыз. Әр ай сайын басшылыққа есеп береміз. Сондай да біреуміз үлгермей жатсақ, басқаларға білдірмей бір-бірімізге көмектесіп те жібереміз. Кешкі уақытта бір-бірімізді жұмыстан күнде күтеміз. Отбасы болған соң бір-бірімзге алаңдаймыз ғой. Әлішерді жұмыстан жиі көргеннен жалықпаймын", - дейді жұбайы.  

Қазіргі таңда ата-аналар жұмыс басты болған соң, жасөспірімдер қылмысы да өзекті мәселелердің біріне айналды дейді полицейлер. Уақытылы балаларды қадағаламаудан, көбісі көше кезіп  қылмысқа да барады екен. 

"Қоғамдық орындарда бағалы заттар немесе ұялы телефондарын ұрлаттатын жайттар болады. Соңғы кездрі балалардың үйден жиі кетіп қалатын әрекеттері жиілеген. Әке-шешелеріне тез ренжігіш. Ата-аналарын қорқытуды шығарған. Сондықтан да қоғам болып балалардың тәрбиесіне жіті көңіл бөлу керек. Әлемнің екінші ұстазы, ұлы ойшыл атанған Әбу Насыр әл-Фараби "тәрбиесіз берілген білім, адамзаттың қас жауы" деген ғой. Ең бірінші адамға тәрбие беріп, сосын барып білім беру керек", - дейді Әлішер Қалышев. 

Полиция басқармасы, Білім бөлімі және кәмелетке толмағандардың құқықтарын қорғау жөніндегі комиссияның мүшелері Тараз қаласының әкімдігімен бірлесіп, кәмелетке жасқа толмағандармен және оларға қатысты жасалатын қылмыс пен құқық бұзушылықтың алдын-алу мақсатында  арнайы рейдтік және профилактикалық  түсіндірме жұмыстарын  жүргізетіндіктерін де атап өтті.

"Ата-ана өз баласына мейірімін аямай төгіп, үлкен азамат болып жетілуіне бар күш жігерін салу керек. Ата-ана әрқашан баласының келешегін ойлайды. Ата-аналар да баласын тәрбиелегенде дәл өзіндей етуге тырыспау  керек, қайта балаға жан-жақты ақпарат беруі тиіс. Өйткені олардың заманы әке-шешесінің заманынан мүлдем басқа. Қазіргі өмірдің талабы жоғары әрі қатал екенін ұмытпаған жөн", - дейді полиция қызметкері.

"Біз сияқты полиция боламын деушілер, алдағы қойған мақсаттарынан қайтпайтын шымыр болсын. Адалдық пен шыншылдықты бойларына сіңіріп өсіп, Отанының нағыз патриоты болса ғана, онда полиция қызметкері болуға лайық. Барша қазақстандықтарды шын жүректен тәуелсіздіктің 30 жылдығымен құттықтаймыз", - деп ерлі-зайыптылар оқырмандарымызға ыстық ықыластарын білдірді.

Сұхбаттасқан: Қадірәлі САРЫПБЕК

Талқылау
Пікір
Қазір оқып жатыр
Қазір оқып жатыр