Түрлі майлар коронавирус кезінде қауіпті болуы мүмкін - дәрігерлер

Әлеуметтік желілерде қазақстандықтар бір-біріне емделу үшін қойдың құйрық майы мен ит майын пайдалануды ұсынып жатыр. Ресей Федерациясы денсаулық сақтау министрінің орынбасары Олег Гриднев мұндай тәсілдердің қаншалықты тиімді және қауіпсіз екенін айтты, деп хабарлайды Stan.kz ақпарат агенттігі.

қойдың майы

"Майды азық-түлік ретінде пайдалануға болады. Бірақ ол ештеңе емдемейді. Коронавирус кезінде зақым келтіруі мүмкін, себебі холестеринді, қанның басқа компоненттерін арттырады. Майлы өнімдер қанның қоюлануына әсер етеді", - деп түсіндірді Гриднев "Sputnik Қазақстанға" берген сұхбатында.

Ол коронавирустық инфекция кезінде науқастарға қан сұйылтуға арналған препараттар (антикоагулянттар) тағайындалғанын еске салды.

Бұрын Киров атындағы әскери-медициналық академияның ресейлік мамандары коронавируста асқазан-ішек жолдарының аурулары кезіндегі диетаны сақтауды ұсынды.

КВИ-мен ауыратын науқастарға сүт, ащы тағамдар мен дәмдеуіштерді, майлы, тұздалған, ысталған тағамдарды, ұн және консервілерді пайдалануды қысқарту керек.

Диетада жеңіл өнімдер - ботқалар, сүзбе, көкөністер, майсыз құс еті, балық, сондай-ақ бір күн бұрын піскен нан басым болуы керек.

Бұған дейін денсаулық сақтау министрлігі қандай "халықтық" емдеп тәсілдерін коронавирусқа қарсы қолдануға болмайтынын хабарлады.

Талқылау
Пікір
Қазір оқып жатыр
Çàãðóçêà...
Қазір оқып жатыр