Түркістан облысында жүк көлігі мен жеңіл көлік соқтығысып, 4 адам қаза тапты
Түркістан облысында жантүршігерлік жол апаты болып, салдарынан төрт адам қаза тапты. Бұл туралы Stan.kz ақпарат агенттігі хабарлайды.
Фото: Видеодан скрин
Түркістан облысы полиция департаментінің мәліметінше, жеңіл көлік жүргізушісі мен үш жолаушы қаза тапқан.
"ВАЗ көлігінің Volvo жүк көлігімен соқтығысуы салдарынан жүргізуші мен үш жолаушы қаза тапты", – делінген хабарламада.
Құқық қорғау органдары оқиғаның барлық мән-жайын анықтау үшін тергеу жүргізіп жатыр.
Айта кетейік, бұған дейін Қарағанды облысында көктайғақ салдарынан көлік жол жиегіне шығып кетіп, жеті адам қаза тапқан еді.
Талқылау