"Туризм дамиды": Қырғызстанда мемлекет меншігіндегі қонақүйлерде казино ашылмақ
Қырғызстанның министрлер кабинеті мемлекет меншігіндегі ғимараттарда казино ашуды ұсынды. Бұл туралы Stan.kz ақпарат агенттігі Vesti.kg сайтына сілтеме жасап хабарлайды.
Фото: Pexels.com
Тиісті заң жобасы парламентте қаралады. Қолданыстағы заңнамаға сәйкес, казинолар мейрамханасы бар қонақүй кешендерінде ғана орналасуы керек. Толық немесе ішінара мемлекет меншігіндегі объектілердің аумағында ойын мекемелерін ашуға тыйым салынады.
Алайда Қырғызстанда толық немесе ішінара муниципалдық немесе мемлекеттік меншіктегі қонақүйлер бар.
Билік өкілдерінің айтуынша, заңға енгізілген түзетулер барлығына пайда әкеледі. Инвестиция тартуға, жаңа жұмыс орындарын ашуға, салық түсімдерін арттыруға мүмкіндік береді дейді.
"Мемлекет пен муниципалитеттер меншігіндегі қонақүйлерде казино орналастыру туристер ағынын еселетіп қана қоймай, олардың ішкі және халықаралық нарықтағы бәсекеге қабілетін арттырады. Бұл республиканың туристік инфрақұрылымын дамытуға пайдаланылуы мүмкін бюджетке қосымша кіріс көздерін құруға мүмкіндік береді", – делінген куәлікте.
2022 жылы президент Жапаров "Қырғыз Республикасындағы ойын қызметі туралы" заңға қол қойды, оған сәйкес қырғызстандықтар, 21 жасқа толмаған шетел азаматтары, сондай-ақ әрекетке қабілетсіз шетел азаматтары казино клиенті бола алмайды.