Сот үкімі шығып, тергеу изоляторына әкетіп бара жатқан жолда Ғани Құттымұратов өз ережесі мен өз әлемі бар адамдарың ортасына түсетінін және сол өмірге бейімделуге мәжбүр болатынын ойлаған.

“Бойымда қорқыныш болды. Енді не, қалай болатынын білмедім. Ол жерге түссем егде жастағы, өздері бағынатын ережесі бар қылмыскерлермен кездесемін деп ойлайтынмын. Бірақ олардың көргенде таңғалдым. Қарапайым адамдар. Олардың көбі жастар еді. Түрмеде отырып сондағы адамдарға консультация жүргізіп, көмектесетінмін”, – дейді дәрігер.

Қазақстанда адам ағзасын сатумен айналысқан 35 жастағы әйел ұсталды

Донор іздеп, қызметі үшін 10 миллион алған: Алматыда қылмыстық топ науқас жандарға бүйрек сатумен шұғылданған

Тіпті трансплантолог сондағы тұтқындардың бірін аман алып қалған.

“Бір сотталушының өмірін сақтап қалған кезім болды. 10-15 минуттың ішінде адамның өліп кетуі мүмкін еді. Хурург ретінде менің көмектесуімді сұрады. Көмектестім. Қазір ол адам аман-есен. Жағдайы жақсарған соң мені құшақтап, “менің құтқарушым” деген еді. Айтқым келгені, түрмеде болсам да жұмысымды тоқтатқан емеспін”, – дейді Ғани Құттымұратов қамаудағы кезін еске алып.

Ғани Құттымұратов - медицина ғылымдарының докторы PhD, "Болашақ" стипендиаты, 2005-2008 жылдар аралығында. 2011-2013 жылдары Қазақстан денсаулық сақтау министрлігінің штаттан тыс бас трансплантологы, жоғары санатты дәрігер-трансплантолог.

Дәрігер мәйіт донорынан жүрек пен бүйрек алынып, 2012 жылы Қазақстанда алғаш рет жүрек трансплантациясы жүргізілген кезде Нұр-Сұлтанда органдарды алуды ұйымдастыруға және жүргізуге қатысқан.

Ол алғашында, адам органдарын заңсыз трансплантациялады деп айыпталып, кейін кінәсіз екені анықталды. Алайда 2020 жылы қарашада Ғани Құттымұратов жүргізген трансплантация операциясының нәтижесінде науқас АИТВ жұқтырды, яғни өз міндеттерін тиісінше орындамады деп айыпталып, 2 жылға 6 айға бас бостандығынан айырылған еді.

Талқылау