Трамп Орталық Азия елдерінің басшыларын Вашингтондағы саммитке шақырды
Фото: Ақорда баспасөз қызметі
АҚШ президенті Дональд Трамп 6 қарашада Орталық Азияның бес мемлекетінің көшбасшыларымен кездеседі. Бұл туралы Stan.kz ақпарат агенттігі Reuters сайтына сілтеме жасап хабарлайды.
Ақ үй өкілдері ықтимал кездесуге қатысты ресми ақпарат бермеді. Десе де Тоқаевтың баспасөз қызметі президенттің АҚШ президенті Дональд Трампқа шақырту үшін алғыс хат жолдағанын мәлімдеді.
АҚШ Мемлекеттік хатшысының орынбасары Кристофер Ландау Өзбекстанның ресми өкілдерімен кездесуден кейін, Шавкат Мирзиёевтің келесі аптада Вашингтонда Трамппен жүздесетінін айтты.
Трамп ірі Binance криптобиржасының негізін қалаушы Чанпэн Чжаоға рақымшылық жариялады
Ландаудың сөзінше, бұл сапар “көшбасшылардың сәтті кездесуі жолындағы маңызды қадам бола алады”. Ол бұл туралы X әлеуметтік желісінде жазды.
Осы аптада Дональд Трамп Азияға сапармен барып, АСЕАН саммитіне қатысты. Бейсенбі күні ол Қытай Халық Республикасының төрағасы Си Цзиньпинмен кездеседі.
Айта кетейік, бұған дейін Путин Трамптың Будапештте кездесуден бас тартуына қатысты пікір білдіргені туралы жазған едік.
ТЭЦ-тің газға ауысуы Алматыдағы лас ауа проблемасын шеше ала ма: Сарапшылар мегаполистегі қалың тұмша неден түзілетінін талдап берді
