Төреғалиді ашуландырған журналист өз әрекетін түсіндірді
Төреғали Төреәлімен сөзге келіп қалған журналист өз әрекетін түсіндірді.
Бұл туралы Stan.kz хабарлайды.
“Мен тағы болған жайды баяндаймын. Өлеңдеп асыра сілтеу маған жат. Мен сұхбаттың басында дұрыс фонға қойып, қолыңды түсіре ғой деп бұл көріністің эфирде жақсы шықпайтынын айтқым келген. Өрекпіп мұрша бермеді.
Бұйырып сөйлеп тұр деп ойлап көтеріліп кетті. Мен содан кейін ғана дауыс көтеріп түсіндіруге мәжбүр болдым. Бары сол. Ел алдында жүрген соң орнымызды білейік. Пікір айтсаңыз да орынды болғай”, – дейді журналист Мақпал Рысбаева.
Түсірілім барысында Төреғалидің жанында әкесінен бөлек Ләйлә Сұлтанқызы болған. Ол журналистің мәдениетсіздік танытқанын айтады.
“Ұлттық арнаның “ҰДБ” реалити шоу аясында осы түсірілім барысында мен сол жерде болдым. “Қарға қарғаның көзін шұқымайды”, “журналистік этика” деген бар. Осыған қоса журфак бітірмеген “гүлдендіргіштер” бар, мен солар үшін “ұяламын”. Үш күн түсірілім барысында ұққаным – Төреғали Төреәліні халық шынайы жақсы көреді”, – дейді Ләйлә Сұлтанқызы
Естеріңізге сала кетсек, Шымкент қаласының кілем фабрикаларының бірініе қонаққа барған әнші журналистердің бірімен сөзге келіп қалған болатын. Сол күні-ақ интернет беттерінде әншінің БАҚ өкілдерін тілдеген видео пайда болды. Артынша әнші өзін ренжіткен журналиске өлеңмен жауап берген болатын.
Жіберіп алмаңыз:
Бірнеше мәрте БАҚ-та жаман әдетімен көзге түскен Бейбіт әріптесі Төреғали Төреәліні қорғап сөйледі