Төреғалидің әкесіне шай құйған Жазира сын астынды қалды
Желі қолданушылары Төреғалидің әкесіне шай құйып отырған Жазира Байырбекованы “ашық” киімі үшін сынап тастады.
Фото: instagram.com/zhanbolatzhazira/
Бұл туралы Stan.kz хабарлайды.
Жазира Байырбекова өзінің әлеуметтік желідегі парақшасына Төреғалидің әкесіне шай құйып отырған суретін салады. Суретті көрген желі қолданушылары оны иығы ашық көйлек киіп қайнағасының қасында отырғаны үшін сынап тастайды.
“Төреғалидің әкесі Жанболаттан бір-ақ жас үлкен болса да, маған қайын аға болады. Келінінің қолынан шәй ішіп отырған қайнаға”, – дейді Жазира Байырбекова.
Бастапқыда желі қолданушылары Төреәлі Әлиханұлы мен Жанболатты салыстырады. Көбісі кейінгісінің әлдеқайда жас көрінетіндігін айтады.
Олар “Сахнаға әр шыққанда әкемнің алдына шыққандай боламын деп едіңіз. Мына иығы ашық көйлек қазақтың қызы, шай құятын келіні үшін ұят қой”, “Қайын ағаңыздың алдында екі иығыңызды жалтыратып отырғаныңыз ыңғайыссыздау емес пе, Жазира ханым?!”,
“Келінжан-ау, сүт қатқан шай қайда?! Қордалықтар қара шай ішпейтін еді ғой”, “Шайды оң қолмен құятын еді ғой”, “Адам қайын ағасына ыржиып отырып шай құя ма? Өзі тура қасына отырып алыпты” сынды пікірлер білдірген.
Мұнымен қатар, Төреәлі мырзаны өзімшілдігі үшін сынаған жандар да табылды.
“Төреәлі қайын ағаңыздың танауы төбеде, көкірегі аспанда екен. Өз көзіммен көріп, қатты таң қалдым. Байлық, ақша, танымалдылық қатты өзгертіпті. Соншалықты тәккаппар екен.
Халық қалай көтерсе, тура солай өшіреді! Бүл кісіге өзім жеке басым риза емеспін. Алладан қорықсын дегім келеді. Адамның күні адаммен, тәубесіне келуі керек деп ойлаймын!” – дейді желі қолданушыларының бірі.
Арасында әнші мен продюсерге тіл тигізбеуді сұраған жандар бар.
Жіберіп алмаңыз:
Жазира мүгедектерге көмектесуге барып, олардың қамқоршысынан күмәнданып қалды (видео)
Жазира: Халық атынан қарыз алып, жағдайын жасайтын басшыларға қызығамын