Тоқаев Макронның тезірек сауығып кетуін тіледі

Мемлекет басшысы Қасым-Жомарт Тоқаев Франция президентінің тезірек сауығып кетуін тіледі, деп хабарлайды Stan.kz ақпарат агенттігі. 

Бұл туралы ҚР президентінің Twitter-дегі парақшасында жазылды. 

"Президент Эмманюэль Макронға тезірек сауығып, Францияның игілігі жолындағы белсенді қызметін жалғастыруына тілектеспін. Халықаралық қауымдастық күш-жігер біріктіре отырып, коронавирус індетін еңсереді деп сенемін!", - деп жазды Тоқаев. 

Еске салайық, бұған дейін Франция басшысы Эмманюэль Макронның коронавирус жұқтырғаны белгілі болған еді. 

Айта кетейік, Франция президенті қазақстандықтарды Тәуелсіздік мейрамымен құттықтаған еді.