Тоқаев: Еліміздегі ең жүгенсіз адамдар - Алматы қаласының тұрғындары
Мемлекет басшысы Қасым-Жомарт Тоқаев алматылықтардың карантиндік және шектеу шараларын нашар қадағалайтындығы туралы айтты. Ол Алматы - ең үлкен қала және онда болып жатқанның бәрі бүкіл ел үшін индикатор екенін атап өтті, деп хабарлайды Stan.kz ақпарат агенттігі.
18 шілдеде өткен кездесу барысында Қасым-Жомарт Тоқаев Ақордаға: "Саябақтарды ашыңыздаршы - демалғымыз келеді", - деген хаттар әлі келіп жатқанын айтты.
"Алматы халқы - карантиндік шараларды сақтау тұрғысынан, елдегі ең тәртіпсіз тұрғындар. Біз мұны жақсы білеміз. Бұл таңғаларлық! Кейбір жұмыстар идеологиялық деңгейде орындалуы керек! Нигилизм деңгейінде қиындық туғызады! Бүкіл ел карантиндік шараларды ұстанады, бірақ Алматы емес. Бұл нигилизмді жою керек", - деді президент.
Ол сонымен қатар мегаполистегі дәріханалардың дәрі-дәрмектермен қамтамасыз етілуі туралы айтты. Тоқаев дәрінің жетіспейтіндігін растады. Сонымен қатар, ол дәріханалардың алдындағы ұзын-сонар кезекке де назар аударды.
"Адамдар үкімет қызметін дұрыс орындамай жатыр деп мәлімдей отырып, видео түсіруде, әкімдер оны мойындамайды. Жағдай бақылаудан шығып жатыр. Бұрынғы кеңесші Ертісбаев сұхбатында:"Президент мырза, Сталин болыңыз! Барлығын жұмыстан шығарыңыз", деп маған кеңес береді. Мені өздеріңіз бұған жеткізіп отырсыздар. Мен бұл жерде тек Алматы туралы ғана айтып отырған жоқпын. Сонымен қатар министрлердің басқа да қызметтері туралы айтып отырмын. Бірақ Алматы - ең үлкен қала. Онда болып жатқанның бәрі - бүкіл ел үшін үлгі", - деп атап өтті Тоқаев.