Тоқаев Бурабайдағы ағаштарды кесуге тыйым салды

Қасым-Жомарт Тоқаев Щучинск-Боровск курорттық аймағындағы ағаштарды кесуге тыйым салды.

Бұл туралы президент өзінің Twitter-дегі парақшасында жазды.

Мемлекет басшысының айтуынша, бұл факт өрескел. Ол үкіметке шұғыл шаралар қабылдауды тапсырды.

«Ұлттық байлықтың жойылуы су құбырын салу деген сылтаумен орын алады. Үкімет пен әкімдік шұғыл шаралар қабылдауы керек», - деп жазды Тоқаев.