"Таразға іздеп барсам, ол шымкенттік екен": Нұрлан Қоянбаев әйелімен қалай танысқанын айтты
Нұрлан Қоянбаев көпшілік алдында жан жарымен бірге шығып, махаббат хикаясын баяндап берді. Әйгерім есімді арумен бас қосқанына биыл 12 жыл болған.
Бұл туралы "Астарлы ақиқат" бағдарламасында айтылды.
Нұрлан Қоянбаев әйелімен Алматыда танысқан.
"Мен оқу орнын бітірген жылы Аграрлық университетте ректордың көмекшісі болып жұмыс істедім. Әйгерім 1-курс студенті болды. Сырттай таныс болдық. Кейін бір мейрамханада кездесіп қалдық. Сол жерде жақын таныса бастадық. Ол кезде менің елге танылып жүрген кезім. Соны пайдаланып өзімді іскер адамша көрсеттім. Телефон нөмірін алып, бір аптадан соң хабарласам дедім. Оған дейін қолым тимейтінін айттым. Бірақ үйде бос жаттым. Бір аптаның өткенін күттім. Бір аптадан соң хабарласып сөйлестік", - деді Нұрлан.
Кейін осы Дәурен Айдарқұлов екеуі Әйгерімнің ата-анасымен танысу үшін үйіне іздеп барады. Алайда Әйгерім Тараз емес, Шымкентте тұратын болып шыққан.
"Дәуренді ертіп Әйгерімнің ата-анасымен сөйлесейік дедім. Таразға бардық. Әйгерімге хабарлассақ, ол Шымкентте екенін айтты. Ол сөйтсем шымкенттік екен. Қайта Шымкентке жол жүрдік", - деді актер.
Нұрлан мен Әйгерім 2004 жылы танысып, 2008 жылы үйленді.